Date
बिहि, मंसिर ३, २०८३
Thu, November 19, 2026

छिपहरमाई गाउँपालिकाकाे मनाेपरी, सूचना आयाेगकाे निर्देशन समेत टेरेनन्

spot_img
spot_img

वीरगंज । पर्साकाे छिपहरमाई गाउँपालिकामा सूचना माग्न पुगेका संचारकर्मीसंग दुर्ब्यवहार भएकाे छ । छिपहरमाई गाउँपालिकाकाे कार्यालय भिस्वामा आइतबार सूचना माग्न गएका वीरगंज एक्सप्रेस अनलाइनका धर्मेन्द्र प्रसाद यादवसंग दुर्ब्यवहार भएकाे हाे ।

छिपहरमाई गाउँपालिका वडा नं. १ भलुवहीया निवासी यादवले ६ महिना पहिला माग गरेकाे सूचना गाउँपालिका कार्यालयले हाल सम्म उपलब्ध गराएकाे छैन । उनले पहिलाे पटक २०८० पुस २६ गते गाउँपालिका कार्यालय मै गएर विभिन्न किसिमकाे सूचनाहरु माग गर्दै निवेदन दर्ता गराएका थिए । त्यसपछि पनि अर्काे सूचना उनले २०८१ जेठ ७ गते गाउँपालिका कार्यालयसंग लिखित रुप मै माग गरेका थिए ।

त्याे दुबै सूचना गाउँपालिका कार्यालयले उनलाई उपलब्ध नगराएपछि फेरी त्यही सूचना उनले मिति २०८१ असार २ गते हुलाक मार्फत गाउँपालिकासंग माग गरेका थिए ।

बारम्बार उनले गाउँपालिकासंग समाजिक विकास निर्माण लगायतका ८ वटा सूचना माग गर्दा महिनाै सम्म उपलब्ध नगराएपछि फेरी उनी सूचना उपलब्ध गराइदिन भन्दै सूचना आयाेगलाई गुहारेका थिए । उनले बारम्बार छिपहरमाई गाउँपालिकासंग विभिन्न किसिमकाे सूचना माग गर्दा गाउँपालिका उपलब्ध नगराएकाे भन्दै मिति २०८१ साउन ३१ गते राष्ट्रिय सूचना आयाेगमा निवेदन दिएका थिए ।

त्यँही निवेदनकाे आधारमा छिपहरमाई गाउँपालिकालाई धर्मेन्द्र यादवले माग गरेकाे सूचना उपलब्ध गराइदिन सूचना आयाेगले निर्देशन दिएकाे थियाे । सूचना आयाेगले समेत सूचना उपलब्ध गराइदिन मिति २०८१ भदाै ७ गते गाउँपालिकालाई निर्देशनात्मक आदेश दिदा समेत हाल सम्म गाउँपालिकाले सूचना उपलब्ध नगराएकाे यादवले गुनासाे गरेका छन् ।

साेही निर्देशनकाे पत्र समेत लिएर दाेस्राे पटक गाउँपालिका कार्यालयमा पुगेका यादवसंग गाउँपालिका अध्यक्ष मनाेज कुमार गुप्ताले गाउँपालिका प्रहरी लगाएर दुर्ब्यवहार गराएका हुन् । गाउँपालिका अध्यक्ष गुप्ता कै निर्देशनमा आफुसंग दुर्ब्यवहार भएकाे उनले आराेप लगाएका छन् ।

उनले आइतबार कार्यालय समयमा प्रमुख प्रशासकिय अधिकृत उदयशंकर चाैधरीसंग सूचना उपलब्ध गराइदिन आफुले भनिरहँदा कै समयमा एक जना गाउँपालिका प्रहरीले आएर काेठा बाहिर निकाले वताए । सूचनाकाे हक अनुसार नै आफुले लामाे समयदेखि माग गरेकाे सूचना गाउँपालिका अध्यक्ष कै निर्देशनमा आफुलाई उपलध नगराइएकाे उनले वताए ।

यसैगरी छिपहरमाई गाउँपालिकाकी उपाध्यक्ष लिलावती देवीले समेत माग गरेकाे सूचना गाउँपालिका अध्यक्ष कै निर्देशनमा प्रमुख प्रशासकिय अधिकृतले उपलब्ध गराएका छैनन् ।

गाउँ सभा र कार्यपालिका बैठकमा भएको निर्णयकाे प्रमाणित प्रतिलिपी जनप्रतिनिधिले माग गर्दा समेत उलब्ध नगराउनुले गाउँपालिकामा भएकाे गैर कानुनी, नियम विपरितकाे कामकाे भण्डाफाेर हुने डर रहेकाे स्थानियहरुकाे भनाई छ ।

spot_img

ताजा अपडेट

spot_img
spot_img
spot_img
कालिका टाईम्स
कालिका टाईम्सhttps://kalikatimes.com
सम्पर्क: ९८५५०३५४५७ | ९८५५०३३१३५, इमेल: kalikatimesdaily@gmail.com

थप समाचार

जसपा छाडेर रास्वपा र काङ्ग्रेस रोजेका कालिकामाईका दुई वडाध्यक्षको पद गयो

वीरगंज । जनता समाजवादी पार्टी (जसपा) नेपाल त्यागेर अन्य राजनीतिक दलमा प्रवेश गरेका पर्साका दुई वडाध्यक्षसहित १८ जनप्रतिनिधिको निर्वाचित पद रिक्त भएको छ ।...

जालिम मियाँका माइला छोरा बसीर अहमद रास्वपामा प्रवेश

वीरगंज । नेकपा एमालेका नेता एवं पर्साको जगरनाथपुर गाउँपालिकाका पूर्व अध्यक्ष जालिम मियाँका माइला छोरा बसीर अहमद राष्ट्रिय स्वतन्त्र पार्टी (रास्वपा) मा प्रवेश गरेका...

पर्सामा एक महिनामा ११८ अपराधका घटना, १२२ फरार प्रतिवादी पक्राउ

वीरगञ्ज । जिल्ला प्रहरी कार्यालय पर्साले २०८३ साल कात्तिक महिनामा जिल्लाभर अपराध नियन्त्रण, अनुसन्धान, लागूऔषध कारोबार नियन्त्रण तथा अवैध गतिविधिविरुद्ध सञ्चालन गरेका कारबाहीको विवरण...