वीरगंज । बारा प्रहरीले जबरजस्ती करणी मुद्दामा ९ वर्ष ६ महिना १५ दिन कैद भएका एक जना फरार प्रतिवादीलाई पक्राउ गरेकाे छ ।
अस्थाई प्रहरी पोष्ट बसपार्क कलैया, बाराबाट खटिएको प्रहरी टोलीले फरार प्रतिवादी बाराकाे कलैया उप-महानगरपालिका वडा नं.६ मदर्शाटोल निवासी २७ बर्षिया ईम्तियाज अंसारीलाई पक्राउ गरेकाे हाे ।
प्रहरी कारवाहीको सिलसिलामा खटिएकाे प्रहरी टाेलीले शनिबार राति ९:३० बजेको समयमा लुकिछिपि बसेको अवस्थामा अंसारीलाई पक्राउ गरेकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक प्रकाश सापकाेटाले जानकारी दिए ।
जिल्ला अदालत बाराबाट जबरजस्ती मुद्दामा बरदात पश्चात फरार रहेको उनलाई खोज तलास गरी जिल्ला अदालत बारा, कलैयामा दाखिला गरिएको प्रवक्ता सापकाेटाले वताए ।
