वीरगंज । पर्सा प्रहरीले कर्तव्य ज्यान मुद्दामा संलग्न एक जना फरार प्रतिवादीलाई पक्राउ गरेकाे छ । पक्राउ पर्नेमा पकहाँ मैनपुर गाउँपालिका वडा नं.४ बस्ने ४० बर्षिया समसोदिन मियाँ रहेका छन् ।
विशेष सूचनाको आधारमा असार २८ गते निज कै गाउँबाटमियाँलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक भारतीले वताए ।
उनका अनुसार २०७६।०६।१९ गते साँझ ५:०० बजेको समयमा पकहाँ मैनपुर गाउँपालिका वडा नं.४ धोविया टोल स्थित नसुरदिन मियाको घरमा सोरियम खातुनलाई कुटपिट गरी हत्या गरेको आराेपमा मुद्दा दर्ता भएकाे थियाे । साेही ज्यान सम्बन्धि कसुरमा फरार रहेकाे उनी लुकीछिपी बस्दै आएका थिए ।
पक्राउ परेका मियाँलाई ज्यान सम्बन्धी कसूर मुद्दामा पर्सा जिल्ला अदालतबाट ५ दिन म्याद थप अनुमति लिई थप अनुसन्धान कार्य भैरहेको प्रवक्ता भारतिले जानकारी दिए ।
