वीरगंज । पर्साकाे बहुदरमाई नगरपालिकामा भएकाे १३ बर्षिया बालिकालाई बलात्कार घटनाकाे आराेपित विरुद्ध प्रहरीले बुधबार मुद्दा दर्ता गरेकाे छ । जिल्ला प्रहरी कार्यालय पर्साले बहुदरमाई नगरपालिका वडा नं. ०६ गम्हरीयाका २२ बर्षिय बिशाल साह तुराहा विरुद्ध जबरजस्ती करणी विरुद्ध मुद्दा दर्ता गरेकाे पिडित पक्षले जनाएका छन् ।
असार ०७ गते राति ८ बजेको समयम आराेपितले बालिकालाई बलात्कार गरेकाे भन्दै पिडित पक्षले उजरी दिएका हुन् । पिडितकाे असार १९ गते वीरगंजस्थित नारायणी अस्पतालमा मेडिकल गरिएकाे छ ।
आराेपित तुराहालाई प्रहरीले असार ८ गते नै नियन्त्रणमा लिएपनि असार १८ गते मात्र मुद्दा दर्ता गरेकाे पिडित पक्षले जनाएका छन् । त्यस अघि प्रहरीले उजरी नै लिन मानेका थिएनन् । घटना बारे अनुसन्धान भइरहेकाे जिल्ला प्रहरी कार्यालय पर्साका डिएसपी दिपक भारतीले वताए ।
उनले सुरुमा फाेनमा घटना बारे कालिका टाईम्सका सम्पादकलाई वताउन मानेन । प्रवक्ता भारतीले घटना बारे सूचना पाउन जिल्ला प्रहरी कार्यालयमा सम्पादकलाई बाेलाएका थिए । जिल्ला प्रहरी कार्यालय पुग्दा घटना बारे अनुसन्धान भइरहेकाे उनले वताए । मुद्दा दर्ता भयाे कि भएन ? भयाे भने कहिले भयाे ? पिडितकाे मेडिकल कहिले भयाे ? भनेर साेध्दा त्याे अनुसन्धान पक्रिया भएकाे जवाफ दिए ।
पिडितले सुरुमा उजरी लिएर जाँदा प्रहरीले दु:ख दिएकाे वताएका छन् । “महिला सेलको प्रहरीले पिडितसंग हप्काएर कुरा गरेकाे र मेडिकल नगराई नै पठाएकाे पिडित पक्षकाे भनाई छ । पिडित पक्षले ३ जनाले बलात्कार गरेकाे उजरी दिएपनि प्रहरी पछि उजरी सच्याएर एक जना विरुद्धकाे दर्ता गरेकाे हाे ।
प्रहरीले घटना भएकाे भाेली पल्ट नै विशाल सहित दुई आरोपितलाई समातेर अनुसंधान गरेकाे थियाे । प्रहरी स्राेतका अनुसार उनीहरु विरुद्ध अभ्रद व्यहारको मुदा दर्ता गरिएको थियाे ।
