वीरगंज । लिभिंग विथ इनभाइरनमेन्टकाे आयाेजनामा साेमबार वातावरण दिवस २०२४ को अवसरमा “ट्रासिओनिस्टा, ट्राश टू ट्रेन्ड” कार्यक्रम सम्पन्न भएकाे छ ।
वीरगंजकाे पानीटंकीस्थित वीरगंज पब्लिक कलेजकाे सभाहलमा भएकाे कार्यक्रमकाे उद्घाटन मधेश विश्व विद्यालयका उपकुलपती डा. दिपक शाक्यले गरेका थिए । साे कार्यक्रममा विभिन्न विद्यालयका विद्यार्थीहरूले प्लास्टिक, कागज वा कपडाका टुक्राहरू पुनः प्रयोग गरी नयाँ फेसन डिजाइनका ड्रेस बनाएर आफै लगाएर प्रस्तुत समेत गरेका थिए ।
कार्यक्रममा २० भन्दा बढी विद्यालयलाई सहभागिताकाे लागि आमन्त्रण गरिएपनि ३ विद्यालय मात्र सहभागि भएकाे थियाे । राेयल एकेडेमी, अल्पाइन स्कुल र सालाेम स्कुलका विद्यार्थीहरु मात्र सहभागि भएकाे आयाेजकले जनाएकाे छ । कार्यक्रमकाे अन्तिम समयमा आएर मात्र आफुहरु सहभागि हुन् नसक्ने विद्यालयहरु जानकारी गराएपछि आजाेक संस्थाका सदस्यहरु दु:खित भएका थिए ।
संस्थाकी कार्यक्रम संयाेजक अनामिका तिवारीकाे अध्यक्षतामा भएकाे कार्यक्रममा ओम्यान स्किल सेन्टर वीरगंजकी अध्यक्ष चन्चला दास, पाेखरिया नगरपालिकाकी पूर्व उपमेयर सलमा खातुन, प्रेस सेन्टर नेपालका केन्द्रिय सदस्य निरज पिठाकाेटे मगर, समाजवादी प्रेस संगठन नेपाल पर्साका अध्यक्ष शम्भु कुमार सुमन, पत्रकार राधेश्याम पटेल लगायतकाे उपस्थिती रहेकाे थियाे ।
छिट्टै संस्थाले नयाँ परियोजना “इको च्याम्प” पनि सुरु गर्न लागेकाे संस्थाका केन्द्रिय अध्यक्ष आकाश चाैहानले जानकारी दिए । जहाँ विद्यार्थीहरूले वातावरण र फिल्ड कार्यका बारेमा बढी जान्नेछन् । यस परियोजनाले विद्यार्थीहरूको नेतृत्व गुणस्तर वृद्धि गर्नेछ, विभिन्न व्यक्तित्वहरूसँग सम्बन्ध निर्माण गर्ने र विज्ञहरूसँग सिक्ने अवसर प्रदान गर्ने उनले वताए ।
संस्थाले १२ जून २०२४ देखि २५ जून २०२४ सम्म सदस्यता खुला समेत गरेकाे उनले जानकारी गराए । सदस्यताकाे लागि कक्षा ८ देखि १२ सम्मका विद्यार्थी र स्नातक स्तरका विद्यार्थीहरूले फारम भर्न सक्नेछन् । फारम संस्थाकाे आधिकारिक फेसबुक पेज “लिभिंग विथ इनभाइरनमेन्ट” मा उपलब्ध रहेकाे संस्थाले जनाएकाे छ ।
