वीरगंज । दिव्य विकास स्रोत केन्द्र, पर्साले अन्तर्राष्ट्रिय आन्तरिक लेखापरिक्षण सचेतिकरण महिना एक कार्यक्रम आयोजना गरि मनाएको छ । दिव्य विकास स्रोत केन्द्रले यो कार्यक्रम प्रत्येक वर्ष मे महिनामा मनाउने गरको छ ।
अन्तर्राष्ट्रिय आन्तरिक लेखापरिक्षण सचेतिकरण महिनाको मनाउने क्रममा संस्थाको वार्षिक वजेट र खर्चको बारेमा संस्थाका पदाधिकारी एंव कर्मचारीहरुलाई अभिमुखिकरण गरिएको थियो । पारदर्शिता र जवाफदेहितालाई संस्थागत रुपमा स्थापित गर्नको लागी यो कार्यक्रम संचालन गर्ने अभ्यास गरिएको दिव्य विकास स्रोत केन्द्रका कार्यकारी निर्देशक रामाकान्त प्रसाद कुर्मीले जानकारी दिए ।
कार्यक्रममा वित्त व्यवस्थापन सम्बन्धि भएका अभ्यास, आम्दानी, खर्च, चुनौतिको बारेमा संस्थाका वित्त संयोजक श्यामकिशोर प्रसाद चौहानले प्रस्तुतिकरण गरेका थिए । संस्थामा कार्यरत कर्मचारीहरुले कार्यक्रम संचालन एंव कार्यान्वयन गर्ने शिलशिलामा आएका समस्या तथा चुनौतिको बारेमा आफ्ना धारणा राखेका थिए ।
कार्यक्रममा दिव्य विकास स्रोत केन्द्रका कार्यक्रम प्रबन्धक गणेश ठकुरीले संस्थाको वार्षिक बजेट र खर्चको अवस्था सबै कर्मचारीहरुलाई जानकारी नहुने भएको हुनाले यस्ता कार्यक्रमले कर्मचारीहरुको मनोवल बृद्धीहुने र सामाजिक उत्तरदायित्व बढ्ने वताए ।
कार्यक्रममा दिव्य विकास स्रोत केन्द्रका पदाधिकारी एंव कर्मचारी गरि २० जनाको सहभागीता रहेको थियो ।
