वीरगंज । बिल बिजक भन्दा बढी कपडाहरु लोड रहेको मालवाहक ट्याक्टर र पिकअप प्रहरीले पक्राउ गरेकाे छ ।
जिल्ला प्रहरी कार्यालय पर्साबाट खटिएको चेकिङ टोलीले वीरगंज महानगरपालिकाकाे वडा नं.२५ अलौ स्थित सडकखण्डबाट बिआर ०५ जिए ९०४२ नम्बरको मालवाहक पिकअप र बिआर २२० ७७२७ नम्बरको ट्याक्टरलाई नियन्त्रणमा लिएकाे हाे ।
विभिन्न किसिमका लत्ताकपडाहरू बोकेको माल वाहक पिकअप र ट्याक्टर आइसिपीबाट वीरगंजतर्फ जाँदै गरेको सूचनाको आधारमा बुधबार सांझ ५:३० बजेकाे समयमा नियन्त्रणमा लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक कुमार बिक्रम थापाले वताए ।
पिकअप र ट्याक्टरकाे साथमा रहेको प्रज्ञापन पत्र, अनलाइन भिसिटिएस विल भन्दा बढी लोड रहेको आसंका आधार अनुसन्धानकाे लागि नियन्त्रणमा लिइएकाे प्रवक्ता थापाले जानकारी दिए ।
पक्राउ परेका पिकअप र ट्याक्टरमा लाेड रहेकाे अन्दाजी रू. ४० लाख ३६ हजार दुई सय एक मुल्य बराबरको विभिन्न किसिमका कपडाहरू आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको उनले वताए ।
