वीरगंज । पर्साकाे जगरनाथपुर गाउँपालिका अध्यक्ष श्रीकान्त प्रसाद यादवकाे पहलमा नेपाल सरकारको जग्गा फिर्ता भएको छ ।
जगरनाथपुर गाउँपालिकाकाे वडा नं.३ टोल बिजबनियामा बर्षौदेखि अतिक्रमण गरि ब्यक्तिको नाउँमा गएकाे ३ बिघ्घा १८ कठ्ठा जग्गा पुन: नेपाल सरकारको नाउँमा कायम भएकाे गाउँपालिका अध्यक्ष श्रीकान्त प्रसाद यादवले वताए ।
चन्दकलिन कुर्मी नाउबाट नेपाल सरकारकाे नाउमा कायम भएकाे जग्गाकाे लालपुर्जा पनि आफुहरु बिहिबार पाइसकेकाे अध्यक्ष यादवले वताए ।
मिति २०८० फागुन १५ गतेकाे निर्णय अनुसार तथा जगरनाथपुर गाउँपालिकाकाे च.न. २१२६ मिति २०८० भदाै १९ काे पत्र अनुसार साविक विजबनिया गाविस वडा नं. २ मा रहेकाे किता नं. ६२ काे ३ विघा १८ कठा जग्गा नेपाल सरकारकाे नाउमा कायम भएकाे मालपाेत कार्यालय पर्साले जनाएकाे छ ।
