वीरगंज । बाराकाे निजगढ नगरपालिका वडा नं.७ निजगढ बजार स्थि शंकास्पद वस्तु पड्किएर ३ जनाकाे मृत्यु भएकाे छ ।
निजगढ बजार स्थित सञ्चालनमा रहेको रेशम मगरको रोहित वर्कसप लेथमा साेमबार दिउँसो १२:०० बजेको समयमा ग्यास बेल्डिङ गर्ने क्रममा शंकास्पद वस्तु पड्किदा घाइते भएकाहरु मध्येका तीन जनाकाे मृत्यु भएकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक दधिराम न्याैपानेले जानकारी दिए ।
उनका अनुसार मृत्यु हुनेमा निजगढ नगरपालिका वडा नं.०५ निवासी ४५ बर्षिय रोहित वर्कशपका सञ्चालक रेशम मगर, भारतकाे गवाई निवासी ३५ बर्षिय राकेश जैसवाल र वीरगंज महानगरपालिकाकाे वडा नं.९ निवासी २० बर्षिय रितु रजत रहेका छन् ।
तीनै जनाकाे बयोधा अस्पताल वीरगंजमा उपचारको क्रममा मृत्यु भएकाे हाे । वर्कसपका संचालक मगरकाे साेमबार दउसाे १:३० बजे, भारतिय नागरिक जैयसवालकाे साेही दिन राति ९:४० बजे र वीरगंज निवासी रजतकाे मंगलबार विहान ०७:३० बजेको समयमा मृत्यु भएको अस्पतालले जानकारी दिएकाे प्रहरी प्रवक्ता न्याैपानेले वताए ।
साेही घटनाका घाइते निजगढ नगरपालिकाकाे वडा नं.०५ निवासी ४५ बर्षिय सुर्य बहादुर थापाकाे सामुदायिक प्रसुति गृह अस्पताल निजगढ बारामा उपचार भई रहेको छ ।
त्यसैगरी अर्का घाइते वीरगंज महानगरपालिका वडा नं.९ निवासी ३४ बर्षिय फिरोद देवान र भारतकाे रामघडवा निवासी २० बर्षिय अरविन साहकाे वीरगंजस्थित बयोधा अस्पतालमा उपचार भई रहेको छ ।
घाइते भारतिय नागरिक साहकाे अवस्था गम्भिर र उनलाई अस्पतालकाे आइसियुमा राखेर उपचार भईरहेको अस्पतालले जनाएकाे छ ।
प्रहरीले दुई जनालाई नियन्त्रणमा लिएर घटना बारे अनुसान्ध भइरहेकाे जनाएकाे छ । भारतकाे मोतिहारी निवासी ४० बर्षिय राज रमेश जैसवाल र निजगढ नगरपालिकाकाे वडा नं. ९ निवासी २९ बर्षिय टिकाराम पाख्रिङलाई पक्राउ गरिएकाे प्रहरीले जनाएकाे छ ।
पक्राउ परेका मध्येका भारतिय नागरिक जैसवाल कवाडी किन्ने र निजगढ निवासी पाख्रिङ कवाडि बेच्ने मानिस रहेका छन् ।
