वीरगञ्ज । राष्ट्रिय सर्तकता केन्द्रको टोलीले पर्साका विभिन्न सरकारी कार्यालयहरुमा छड्के अनुगमन गरेको छ ।
मंगलवार जिल्ला प्रशासन कार्यालय पर्सासहित १० वटा विभिन्न सरकारी कार्यालयमा अनुगमन गरिएको केन्द्रका सूचना अधिकारी हरि प्रसाद शर्माले जानकारी दिए ।
उनका अनुसार केन्द्रको नियमित कार्यक्रम अन्तर्गत कार्यालयहरुको अनुगमन गरिएको हो । हरेक वर्ष सरकारी कार्यालयको काम कारवाही, सेवा प्रवाह लगायतका बारेमा छड्को अनुगमन हुने गरेको उनले बताए ।
छड्को अनुगमनका क्रममा कर्मचारीको उपस्थिती, समय, सेवा प्रवाह लगायतका क्षेत्रमा कुनै कैफीयत देखिएमा तत्कालै कारवाहीका लागि सिफारिस गर्ने गरिएको पनि उनले बताए ।
शर्मासँगै केन्द्रबाट ४ जनाको टोली छड्को अनुगमनका लागि पर्सा जिल्लामा पुगेको छ ।
