वीरगंज । पर्साकाे जगरनाथपुर गाउँपालिकामा प्रजनन् रुग्णता सेवा (आँग खस्ने अबष्ट्रेटीक फिस्टुला पाठेघर क्यान्सर भी.ई.ए.आदि ) जाँच शिविर आइतबार सम्पन्न भएकाे छ ।
जगरनाथपुर गाउँपालिका स्वास्थ्य शाखाकाे आयाेजनामा भएकाे शिविरकाे गाउँपालिका अध्यक्ष श्रीकान्त प्रिसाद यादव र उपाध्यक्ष विविता कुमार सिंहले संयुक्त रुपमा उद्घाटन गरेका थिए ।
जगरनाथपुर गाउँपालिका वडा नं. ६ स्थित औराहा स्वास्थ्य चाैकी संठीमा भएकाे शिविरमा १७४ जना महिलाहरुले स्वास्थ्य जांच गराएकाे गाउँपालिका स्वास्थ्य संयाेजक प्रभेन्द्र साहले जानकारी दिए ।
शिविरमा सहभागि महिलाहरुकाे नारायणी अस्पताल वीरगंजका स्त्री तथा प्रशुती राेग विशेषज्ञ डा. मन्जु राय कुर्मी, पाेखरिया अस्पतालकी नर्सिङ निरीक्षक गुन्जा चौधरी लगायत स्थानिय स्वास्थ्यकर्मीले स्वास्थ्य परिक्षणण गरेका थिए ।
शिविरमा सहभागिहरु मध्ये भल्ट प्राेलेप्स ६ जना र यूट्राेभेजिनाल प्राेलेप्स १६ जनामा फेला परेकाे जगरनाथपुर गाउँपालिका सवास्थ्यकर्मी अशाेक पटेलले जानकारी दिए । जुन बिरामीलाई शल्यक्रिया गर्नु पर्ने उनले वताए ।
