वीरगंज । बारामा स्कारपिओ गाडीबाट लागु औषध गाँजा बरामद भएकाे छ । प्रहरी चौकी, पथलैयाबाट खटिएको प्रहरी टोलिले शुक्रबार विहान ६:३० बजे डिएल ४ सिएनबि ३६८१ नम्बरकाे स्कारपिओबाट ३६ किलो लागू औषध गाँजा बरामद गरेकाे हाे ।
जितपुर सिमरा उपमहानगरपालिका वडा नं. १ पथलैयास्थित सर्भिस लाईनमा पार्किङ गरी राखिएकाे भारतीय स्कारपिओ गाडी शंकास्पद लागि चेकजाँच गर्दा गाडीको पछाडीको भागमा बक्स बनाई उक्त बक्स भित्र लुकाई छिपाई राखेको ३६ किलो अबैध लागू औषध गाँजा बरामद भएकाे जिल्ला प्रहरी कार्यालय बाराले जनाएकाे छ ।
उक्त लागु औषधसहित गाडि नियन्त्रणमा लिई आवश्यक कानूनी प्रकृया अगाडी बढाईएको जिल्ला प्रहरी कार्यालय बाराका प्रवक्ता प्रहरी नायब उपरिक्षक दधिराम न्याैपानेले जानकारी दिए ।
