वीरगंज । बारामा पतिकाे कुटपिटबाट पत्नी घाइते भएकी छन् । महागढीमाई नगरपालिका–३ गँजभवानीपुरकी २८ वर्षीया सलमा खातुन घाइते भएकी हुन् ।
आफुलाई ३० वर्षीय पति आसिक देवानले कुटपिट गरेको भन्दै मंगलबार खातुनले जिल्ला प्रहरी कार्यालय बाराकाे महिला, बालबालिका तथा ज्येष्ठ नागरिक सेवा केन्द्रमा उजुरी दिएकी छन् ।
आराेपित पतिले आफुलाई मङ्सिर ६ गते सानो तिनो कुरामा बादबिवाद हुँदा मुक्का प्रहार गरी ढाडको रिढमा ठूलो चोट पुर्याई घाइते बनाएको पीडित खातुनले बताइन ।
त्यस्तै, आरोपितले पटक पटक कुटपिट र गालिगलौज गरेको हुनाले एक साथ बस्न नसक्ने पनि पीडितकाे भनाई छ । घटना पश्चात पीडित माइतबाटै उपचार गराइरहेकी उनले आफनो दुखेसो पोखिन ।
पीडीतको उपचार मङ्सिर १४ गतेदेखि जितपुर सिमरा होस्पीटलमा भइरहेको छ । उपचारकाे क्रममा रिढको एमआर गराउनु पर्छ भनि डाक्टरले सल्लाह दिएको पीडितले बताइन ।
दुवै पक्षलाई बोलाइ घटना बारे सत्य तथ्य बुझी दोषीलाई कानुन बमोजिम कारबाही गर्ने महिला, बालबालिका तथा ज्येष्ठ नागरिक सेवा केन्द्रकी इन्सपेक्टर बिमला कुमारी कठायतले जानकारी दिइन ।
