वीरगंज । प्रहरीले पर्साकाे पर्सागढी नगरपालिकाकाे वडा नं. १ काेइलाभार टाेलबाट पराल भित्र राखिएकाे ७ थान सालकाे गुलिया बरामद गरेकाे छ ।
- Advertisement -
गाेप्य सूचनाकाे आधारमा इलाका प्रहरी कार्यालय पटेर्वा सुगाैली र अस्थाई प्रहरी पाेष्ट मानवाबाट खटिएकाे संयुक्त टाेलीले मंगलबार सांझ ७:३० बजे काेइलाभार टाेलमा परालकाे टाल भित्र राखिएकाे सालकाे गाेलिया बरामद गरेकाे इलाका प्रहरी कार्यालय पटेर्वा सुगाैलीका प्रहरी निरिक्षक रामराज केशरीले वताए ।
उनका अनुसार बरामद हुने सालकाे गुलिया ४० इन्च माेटाई र ७ फिट लम्बाईकाे एक थान, ३५ इन्च माेटाई र ४ फीट लम्बाईकाे २ थान, ३० इन्च माेटाई र ४ फिट लम्बाईकाे ४ थान रहेकाे छ ।
बरामद साल जातिकाे गुलिया सव डिभिजन वन कार्यालय सखुवनियाकाे जिम्मा लगाईएकाे प्रहरी निरिक्षक केशरीले जानकारी दिए ।
