वीरगंज । पर्साको पर्सागढी नगरपालिका अन्तर्गत पर्ने सिगयाही खोलाबाट अवैध रूपमा गिट्टी बालुवा उत्खनन गरिरहेको अवस्थामा प्रहरीले ३ वटा ट्र्याक्टर नियन्त्रणमा लिएको छ ।
- Advertisement -
सिगयाही खोलामा गिट्टी बालुवा उत्खनन गरी अवैध रूपमा ओसारपसार भइरहेको सूचनाको आधारमा इलाका प्रहरी कार्यालयबाट खटिएको प्रहरी टोलीले ट्र्याक्टरहरू नियन्त्रणमा लिएको हो ।
प्रहरी चौकी मानवाको टोलीको सहयोगले सिगयाही खोलाबाट गिट्टी बालुवा ओसारपसार गर्न प्रयोग भइरहेको ना ४ त–६२४६, ना ६ त– ७३५५ र ना ५ त– ५०५२ नम्बरको ट्र्याक्टर नियन्त्रणमा लिइएको इलाका प्रहरी कार्यालय पटेर्वा सुगौलीका प्रमुख एवम् प्रहरी निरिक्षक (इन्स्पेक्टर) रामराजा केशरीले वताए ।
नियन्त्रणमा लिएको ट्र्याक्टरलाई प्रहरी चौकीले पर्सागढी नगरपालिकाको राजस्व शाखामा पठाएको इन्स्पेक्टर केशरीले जानकारी दिए ।
