वीरगंज । पर्सामा करेन्ट लागेर एक जनाकाे मृत्यु भएकाे छ । स्याउला टिप्न रुखमा चढेका बेला करेन्ट लागेर पटेर्वा सुगौली गाउँपालिकाकाे वडा नं. ५ मनिहर्वाका ५५ बर्षिय चोकट साह तेलीकाे मृत्यु भएकाे हाे ।
मङ्गलवार दिउँसो १ बजेतिर बाख्राका लागि स्याउला टिप्न घर नजिकैको रुखमा चढेका बेला ११ हजार भोल्टको तारमा टाँसिदा तेलीको करेन्ट लागेर मृत्यु भएको प्रहरीले जनाएको छ ।
प्रत्यक्षदर्शी स्थानीय शिक्षक हरिराज प्रसाद यादवका अनुसार तेलीको करेन्ट लागेर घटनास्थलमै मृत्यु भएको थियो ।
तेलीको शव पोस्टमार्टमका लागि वीरगंजस्थित नारायणी अस्पतालमा ल्याइएको इलाका प्रहरी कार्यालय पटेर्वा सुगौलीका प्रमुख एवम् प्रहरी निरीक्षक (इन्स्पेक्टर) रामराजा केशरीले जानकारी दिए ।
