वीरगंज । पर्साको ठोरी गाउँपालिकामा लगाइएको अवैध गाँजा खेती प्रहरीले नष्ट गरेको छ ।
- Advertisement -
सूचना परिचालन तथा प्रहरी कारबाहीको सिलसिलामा जिल्ला प्रहरी कार्यालय पर्साले बुधवार दिउँसो ठोरी – ३ र ४ स्थित दश कट्ठा जग्गामा लगाइएको अवैध गाँजा खेती नष्ट गरेको हो ।
पर्सा प्रहरीका प्रवक्ता एवम् प्रहरी नायव उपरीक्षक (डिएसपी) कुमार विक्रम थापाका अनुसार बुधवार दिउँसो १ बजेदेखि ५ बजेसम्ममा प्रहरी निरीक्षक (इन्स्पेक्टर) सन्तोष राईको कमान्डमा खटिएको टोलीले अवैध रूपमा लगाइएका झन्डै आठ हजार बोटहरू नष्ट गरेको छ ।
गाँजा खेतीमा संलग्नहरूको पहिचान र खोजतलास पनि भइरहेको डिएसपी थापाले बताए ।
