वीरगंज । नेकपा एमाले केन्द्रीय सल्लाहकार समितिका सदस्य शिव पटेलले सिलाइ कटाई तालिम लिएर महिलाहरुलाई रोजगार मुलक कार्य तर्फ अग्रसर हुन आग्रह गरेका छन् ।
बहुदरमाई नगरपालिका -४ वडा समितिले आयोजना गरेको ६० दिने सिलाई कटाई तालिमको बुधबार एक समारोहका बिच उद्घाटन गर्दै नेता पटेलले पालिका भित्र रहेका गृहिणी एवम् युवतिहरुलाई स्वरोजगार मुलक तालिम दिनु सराहनिय कार्य रहेको बताए । उनले तालिम लिएर सिलाइ कटाईलाई ब्यापारको रुपमा अगाडी बढाई रुपैयाँ कमाउन तिर अग्रसर हुन सह्भागि महिलाहरुसंग आग्रह समेत गरे ।
वडाध्यक्ष सुनिल कुशवाहाकाे अध्यक्षतामा भएकाे उद्घाटन कार्यक्रममा बहुदरमाइ नगरपालिका -४ का वडा अध्यक्ष सुरेन्द्र यादव, नेकपा एमालेका नेता रामबाबु साह, अशोक रौनियार, प्रमोद यादव, प्रशिक्षक मनोज कर्ण, सुनिता दास लगायतकाले तालिम लिएपछि सहभागिले ब्यवहारमा उतारि पैसा कमाउन सके वडाका अरु महिला पनि यस्त्तो तालिम प्रति आकर्शित हुने र वडा अध्यक्षले गरेको यस्तो कार्यले सार्थकता पाउने बताएका थिए ।
तालिममा भौराटारका ४५ जना युवती सहभागी रहेकाे आयाेजकले जनाएकाे छ ।
