वीरगंज । सिरहाकाे कल्याणपुर नगरपालिका—८ की २७ वर्षीया संगिता दासको हत्या गरेको आरोपमा इलाका प्रहरी कार्यालय मिर्चैयाले उनका ५१ वर्षीय ससुरा रामअशिष दासलाई पक्राउ गरेकाे छ ।
आरोपितले बुहारीलाई कात्तिक २७ गते घरायसी बिवाद हुदाँ टाउकोमा बन्चरोले प्रहार गरी हत्या गरेको थियो । पीडितको घटनास्थलमै मृत्यु भएको र आरोपितलाई कानुन बमोजिम कारबाहीको लागि इलाका प्रहरी कार्यालय मिर्चैयामा कात्तिक २८ गते उजुरी दिएको मृतकका पति राजकिसोर दासले बताए । शवको पोष्टमार्टम प्रादेशिक अस्पताल सिरहामा कात्तिक २८ गते भएको थियो ।
इलाका प्रहरी कार्यालय मिर्चैयाका डिएसपी जितेन्द्र बस्नेतका अनुसार घटना पछि आरोपित फरार रहेका थिए । विशेष सूचनाको आधारमा आरोपितलाई लुकिछिपी बसेको स्थानबाट गिरफ्तार गरी कारबाही प्रक्रियाको लागि म्याद थप गराएको उनले वताए ।
