वीरगंज । पर्साकाे छिपहरमाई गाउँपालिकाकाे वडा नं. २ सम्भाैतामा रहेकाे नवगावा माद्यमिक विद्यालय चरगाँहामा पनि कक्षा ११ र १२ काे कक्षा बन्द भएकाे छ ।
शिक्षकले तलब नपाएपछि मंसिर ५ गतेदेखि शिक्षा र प्राविधिक तर्फकाे कक्षा बन्द भएकाे हाे । कक्षा ११ र १२ मा पढाउँदै आएकाे शिक्षकहरुले ८ महिनादेखि तलब नपाएका कारण अध्ययन अध्यापन गराउन छाडेका हुन् ।
शिक्षकहरुले तलब नपाएपछि आफुहरु पढाउन नसक्ने वताएपछि कक्षा बन्द गरिएकाे विद्यालयका प्रधानाध्यापक अमिन मियाँले वताए ।
उनका अनुसार कक्षा ११ र १२ मा पढाउँदै आएका शिक्षकहरु यस बर्षकाे दशैं र तिहारमा समेत पारिश्रमिक पाएका छैनन् । लामाे समय सम्म पारिश्रमिक नपाएपछि शिक्षकहरु अध्यापन गराउन छाडेका हुन् ।
यसैगरी छिपहरमाई गाउँपालिका कै वडा नं. ५ मा रहेकाे श्री मंगल मावि भिस्वाकाे कक्षा ११ र १२ को पठनपाठन पनि बन्द भएको छ । शिक्षक अभाव कै कारण मंसिर ५ गतेदेखि कक्षा ११ र १२ काे पठनपाठन बन्द भएकाे हाे ।
छिपहरमाई गाउँपालिका कै वडा नं. १ मा रहेकाे श्री महादेव माद्यमिक विद्यालयमा पठनपाठन सुचारुकाे माग गर्दै विद्यार्थीहरु विद्यालयमा तालाबन्दी नै गरेका छन् ।
शिक्षक अभावका कारण २०८० कार्तिक १२ गतेदेखि विद्यालयमा माद्यमिक तहकाे पठनपाठन अवरुद्ध भएकाे थियाे । माद्यमिक तहका शिक्षक नहुँदा लामाे समय सम्म कक्षा ६ देखि १० सम्मका पठनपाठन अवरुद्ध भएपछि बाध्य भएर तालबन्दी गर्नु परेकाे विद्यार्थीहरुले जनाएका छन् ।
