वीरगंज । पर्साको पकहाँ मैनपुर गाउँपालिकाको वडा नम्बर १ धोरेमा यस बर्ष पनि भब्य रुपमा मेला लाग्ने भएको छ ।
बिगत १० दशक भन्दा अगाडी देखी छठको भोली पल्ट लाग्दै आएको मेला यस बर्ष पनि भब्य रुपमा लाग्ने पकहाँ मैनपुर गाउँपालिकाका अध्यक्ष सुरेश मेहताका स्वकिय सचिव बिनोद मेहताले जानकारी दिए ।
उनका अनुसार धोरे मेला हुने कुस्ती (लडाई) प्रसिद्ध छ । मेलामा कुश्तीका लागी नेपाल र भारतका ६ वटा टिमलाई निमान्त्रण दिईएको छ ।
मेलामा नेपालका हरि थापाको टिम, नेपाल पुलिस टिम, भारतको राजधानी दिल्लीका टिम, हरियाणा, बनारस र गोरखपुरको टिम र बारा, पर्सा, रौतहट तथा नवलपरासीका स्थानिय पहलवानहरु पनि मेलामा आउने आयोजकले जनाएको छ ।
मेलाको लागी आज राघव मेहताको अध्यक्षतामा ७ सदस्यीय मेला समिती पनि चयन गरिएको गाउँपालिका अध्यक्ष सुरेश मेहताले बताए ।
प्रत्येक बर्ष झै यस बर्ष पनि हजाराैंकाे संख्यामा मेलामा दर्शक आउने बिश्वास रहेकाे उनले वताए । मेलामा बारा, पर्सा र रौतहट लगायत भारत बिहारको पुर्बी चम्पारण तथा पश्चिमी चम्पारणका दर्शकहरु आउने गरेका छन् ।
