वीरगंज । जिल्ला प्रहरी कार्यालय बाराले लागुऔषध गाँजासहित एम्बुलेन्स चालकलाई नियन्त्रणमा लिएको छ । प्रहरीले महागढीमाई नगरपालिकाको गंजभवानीपुरबाट २ किलो ५०० ग्राम गाँजासहित भारतीय एम्बुलेन्स र चालकलाई नियन्त्रणमा लिएको हो ।
भारतीय नागरिक ३२ वर्षीय एम्बुलेन्सका चालक रामविश्वास पासवान र बीआर ०५ पिबि ५५२३ नं को भारतीय एम्बुलेन्स प्रहरीले नियन्त्रणमा लिएको जिल्ला प्रहरी कार्यालय बाराका प्रहरी उपरीक्षक (एसपी) सुरेश प्रसाद काफ्लेले बताए ।
सवारी चेक जाँचकाे क्रममा बिरामी बोक्न प्रयोग हुने एम्बुलेन्समा साढे २ किलो गाँजा भेटिएपछि प्रहरीले एम्बुलेन्स र चालकलाई नियन्त्रणमा लिएको उनले जानकारी दिए । बरामद गाँजा, एम्बुलेन्स र चालकलाई प्रहरीले पत्रकार सम्मेलनको आयोजना गरि सार्वजनिक गरेको हो ।
