वीरगंज । स्राेत नखुलेकाे ३७ लाल २२० रुपैयाँसहित एक जनालाई काठमाडाैं प्रहरीले पक्राउ गरेकाे छ । बाराका पचरौता नगरपालिका वडा नं. ७ घर भई हाल काठमाडाैं महानगरपालिकाकाे वडा नं. १३ बस्ने बर्ष ५४ को जयकमल साह कलवारलाई पक्राउ गरेकाे हाे ।
काठमाण्डौको टंकेश्वर कालीमाटी एरियाबाट गैरकानुनी रुपमा हुण्डीको कारोबार भई रहेको गोप्य सुचनाको आधारमा काठमाण्डौ उपत्यका अपराध अनुसन्धान कार्यालयबाट खटिएको बिशेष प्रहरी टोलीले शनिबार पक्राउ गरेकाे प्रहरीले जनाएकाे छ ।
पक्राउ परेका कलवारकाे साथबाट स्रोत नखुलेको नेपाली रुपैया १७ लाख ६६ हजार ३ सय र भारतीय रुपैया १२ लाख ०८ हजार ७०० गरी बरामद भएकाे अपराध अनुसन्धान कार्यालयले जनाएकाे छ ।
पक्राउ परेका कलवारलाई बराम रुपैयाँसहित थप अनुसन्धान एवं कारवाहीको लागि राजश्व अनुसन्धान बिभाग हरिहर भवन ललितपुर पठाईएको अपराध अनुसन्धान कार्यालयले जनाएकाे छ ।
