वीरगंज । वीरगंज महानगरपालिकाकाे वडा नं. १४, पिपरा टोलमा निर्माण भएकाे धर्मशालाको उद्घाटन पर्सा क्षेत्र नं. १ का प्रतिनिधि सभा सदस्य (सांसद) प्रदिप यादवले गरेका छन् ।
एक कार्यक्रमकाे बिच धर्मशाला उद्घाटन गर्दै सांसद यादवले महंगो शूल्क तिरेर बिहे वर्तबन्ध जस्ता काम गर्नुपर्ने समयको अन्त्य भएकाे वताए । उनले अब गरिब जनताहरुले पनि धर्मशालाबाट धुमधामका साथ बिहे बर्तबन्धका कामहरु गर्न सक्ने बताए ।
सांसद यादवले आवश्यक्ता र जनताको मागलाई मध्यनजर गर्दै आगामी दिनमा पनि अन्य विकास निर्माणका कामलाई निरन्तरता दिने प्रतिबद्धता जनाए । वडामा हुने विवाहदेखि अन्य धार्मिक र सांस्कृतिक कार्यकमहरुका लागि धर्मशाली उपयोगी हुने यादवको विश्वास छ ।
धर्मशाला उद्घाटन कार्यक्रममा प्रदेश सभा सदस्य जन्नत अंसारी, वीरगञ्ज महानगरपालिका वडा नम्बर १४ का अध्यक्ष भरत प्रसाद कुर्मी, स्थानीय नेता रफिक अंसारी, संसदीय प्रतिनिधि घनश्याम गुप्ता लगायतको उपस्थिति रहेको थियो ।
सांसद यादवकाे संसदिय काेषबाट १८ लाखकाे लागतमा धर्मशाला निर्माण भएकाे जनाइएकाे छ ।
