वीरगंज । पर्साकाे छिपहरमाई गाउँपालिका वडा नं. १ मिर्जापुरमा शरदा शिक्षण संस्थानको स्थापना गरिएको छ । उक्त शिक्षण संस्थानको उद्घाट बिहिबार एक कार्यक्रमका बिच जनता समाजवादी पार्टीका छिपहरमाई गाउँपालिका संयाेजक ईन्द्रासन साह कलवारले गरेका हुन् ।
शिक्षण संस्थाकाे उद्घाटन गर्दै कार्यक्रमका प्रमुख अतिथी समेत रहेका संयाेजक कलवारले निशुल्क रुपमा शिक्षा दिने उद्देश्यले स्थापना भएकाे शिक्षण संस्थाबाट गरिब, दलित, विपन्न परिवारका बालबालिका लभान्वित हुने विश्वास व्यक्त गरे ।
गाउँ घरमा घुमिरहेका गरिब, असहाय शिक्षाबाट वञ्चित रहेका सबै बालबालिकाहरुको लागि निशुल्क शिक्षा दिने शारदा शिक्षण सँस्थानको उदेश्य रहेको कार्यक्रमका व्यवस्थापक नुतून उपाध्यायले बताए ।
गगनदेव यादवकाे अध्यक्षतामा भएकाे उद्घाटन कार्यक्रममा हरिमाधव यादव, रामपुकार यादव, लालबहादुर यादव, हिरालाल यादव, हिमाञ्चल कुशवाहा,वीरेन्द्र यादव, रमेश कुशवाहा, मोतीलाल साह,जय कुशवाहा, बाबुलाल साह, सुशील हजरा, नन्दलाल यादव, अशोक यादव, अर्जुन यादव लगायत शिक्षक, सुरक्षाकर्मी, स्थानिय संचारकर्मीकाे उपस्थीती रहेको थियो ।
