वीरगंज । जीवनदेखि आशा नै मारिसकेका जागेश्वर ठाकुर मानवसेवा आश्रम वीरगंजको कारण यस बर्ष भाई टिका लगाउन पाएका छन् । ४ बर्ष देखि फलामे सङ्ग्लोमा पशु सरह बाँधिएर राखिएको अवस्थाबाट उद्दार उनलाई मानव सेवा आश्रम पर्साकी संयाेजक सानु मानवसेवा नै टिका लगाईदिएका हुन् ।
२०७८ जेष्ठ २१ गतेको दिन बाराकाे मोतिसत गाउँबाट विगत ४ बर्षदेखि फलामे सङ्ग्लोमा पशु सरह बाँधिएर राखिएको अवस्थाबाट मानवसेवा आश्रम बिरगंज शाखाले उनकाे उद्दार गरेको थियो ।
उनलाई आफ्नै परिवारजनले साङ्लोले बाधेर राखेका थिए । १२ वर्ष अघि ठाकुर एक धेरै नाम चलेका मिस्त्री थिए । उनले गरेको काठको काममा उनको सिपको चर्चा बाराकाे धेरै गाउँमा हुने गर्दथ्यो । तर १२ वर्षदेखि उनको मानषिक सन्तुलन बिग्रिएको हुनाले उनी मानिषलाई देख्दा गाली गर्ने मात्रै होइन एक्लै पनि कराई रहन्थे।
आश्रमको नियमित हेरचार र सेयारसुसारले ठाकुर अब आफ्नो काम आफै गर्ने भएका छन । ठाकुर अब कुनै न्या व्यक्ति हेर्दा गाली गर्नुको सट्टा नमस्कार गरेर सम्बोधन समेत गर्छन ।
आश्रममा ल्याइसकेपछि आश्रमको माया, प्रेम र आश्रममा नि.शुल्क रुपमा डा. भारत कुमार गोइतकाे औषधी उपचारपछि उनमा अधभुत परिवर्तन आएकाे छ । अबकाे केहि महिनापछि आश्रमले चाडै उनकाे पारिवारिक पुनर्मिलन समेत गराउने मानव सेवा आश्रम प्रदेश न. २ का संयोजक देवेश गुप्ताले जानकारी दिए ।
अहिले मानवसेवा आश्रम बिरगंज शाखामा बिभिन्न उमेर समुहका पुरुष, महिला र बालबालिका गरेर ६२ जना रहेका छन् ।
