वीरगंज । पर्साकाे पर्सागढी नगरपालिकामा हरवाचरवा अधिकार मंच गठन भएको छ । रास्ट्रिय दलित नेटवर्क (RDN) नेपालद्वारा पर्सागढी नगरपालिकाकाे वडा नं. ०८ हरपुर टोलमा भएकाे एक भेलाले जादोलाल रामको अध्यक्षतामा नगरस्तरिय ११ सदस्यीय हरवाचरवा अधिकार मंच गठन गरेको हो ।
जुन मंचको उपाध्यक्षमा रमन माझी, सचिवमा धनराज राम, सहसचिवमा मनोज पासवान, कोषाअध्यक्षमा पासपती राम, सदस्यहरुमा पानामती देबि राम, रघुनाथ राम, बैजनाथ राम, रामचन्द्र राम, बिपत्ति माझि र शारधा राम रहेका छन् ।
रामसरुप रामको अध्यक्षतामा भएकाे भेलामा दलित अगुवा अमरदेव पासवान, रास्ट्रिय दलित नेटवर्कका जनवकालत अधिकृत रुपनरायन पासवान, जिल्ला एक्टिभिस्ट बृजलाल पासवान लगायतले लामो समयदेखि हरवाचरवा प्रथाका कारण समाजले भोगी रहेको पीडाको बारेमा सहभागिहरुलाइ जानकारी गराएका थिए ।
