वीरगंज । पर्सा प्रहरीले लागु औषध गाँजासहित एक जनालाई पक्राउ गरेकाे छ । ईलाका प्रहरी कार्यालय पटेर्वासुगौलीबाट खटिएको एम्बुसिङग टोलीले पटेर्वा सुगाैली गाउँपालिका वडा नं. ४ निवासी ६५ बर्षिय बासुदेव माझीलाई पक्राउ गरेकाे हाे ।
सूचना परिचालन र प्रहरी कारवाहीको सिलसिलामा खटिएकाे प्रहरी टाेलीले मंगलबार विहान ०३:०० बजे पटेर्वासुगौली गाउँपालिका वडा नं.४ स्थित पोखरीको डिलबाट माझीलाई पक्राउ गरेकाे जिल्ला प्रहरी कार्यालय पर्साले जनाएकाे छ ।
माझीले बोकी आइरहेकाे २ वटा सेतो प्लाष्टिकको बोराहरु भित्र लागु औषध गाँजा २७ के.जी.फेला परेको जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।
माझीलाई गाँजासहित जिल्ला प्रहरी कार्यालयमा ल्याई लागु औषध सम्बन्धी कसूरमा अनुसन्धान अगाडि बढाइएको उनले जानकारी दिए ।
