वीरगंज । पर्सा प्रहरीले चाेरीकाे माेटरसाइकलसहित ३ जनालाई पक्राउ गरेकाे छ ।
जिल्ला प्रहरी कार्यालय पर्साबाट खटिएकाे प्रहरी टाेलीले वीरगंज महानगरपालिकाकाे वडा नं. ११ निवासी २१ बर्षिय दिपक महताे, साेही ठाउँ निवासी १९ बर्षिय रबिन्द्र महताे र पाेखरिया नगरपालिकाकाे वडा नं. १ निवासी सुरेश प्रसाद राैनियारलाई पक्राउ गरेकाे हाे ।
सूचना परिचालन तथा प्रहरी कारवाहीको सिलसिलामा बुधबार ५ बजेको समयमा वीरगंज महानगरपालिकाकाे वडा नं.१३ स्थितबाट तिनै जनालाई पक्राउ गरिएकाे जिल्ला प्रहरी कार्यालय पर्साले जनाएकाे छ ।
उनीहरु चलाई ल्याएको चेचिस नं. MD2A37FX8LCE88147 ईन्जिन नं. JLXCLE61264 भएको नम्बर प्लेट नभएको रातो कालो रंगको एनएस २०० सिसिकाे प्लसर मोटरसाईकल रोकी जाँच गर्दा मोटरसाईकलको बिलबुक नरहेको हुँदा उक्त मोटरसाईकल बरामद गरी निजहरुलाई नियन्त्रणमा लिईएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनाले वताए ।
त्यसपछि प्रारम्भिक अनुसन्धान गर्दा उक्त मो.सा.चोरी गरी ल्याएको खुल्न आएकोले निजहरुलाई बिहिबार पर्सा जिल्ला अदालतबाट चोरी सम्बन्धी कसूर मुद्दामा ७ दिन म्याद थप गरी अनुसन्धान प्रकृया अगाडि बढाइएको उनले जानकारी दिए ।
