वीरगंज । संसद विघटनकाे विरुद्धमा वीरगंजमा दाेस्राे दिन पनि प्रदर्शन भएकाे छ ।
जनता समाजवादी पार्टी(जसपा) निकटका समाजवादी विद्यार्थी संगठन पर्साले वीरगंजकाे घण्टाघरमा साेमबार प्रदर्शन गरेकाे छ ।
समाजवादी विद्यार्थी संगठन पर्साका उपाध्यक्ष कृष्णा कुमार चाैरसियाकाे नेतृत्वमा भएकाे प्रदर्शनका सहभागिहरुले प्रधानमन्त्री केपी शर्मा ओली विरुद्ध चक्राे नारावाजी लगाएका थिए ।
संसद विघटन असंवैधानिक भएकाे भन्दै प्रदर्शनकारीहरुले यसकाे सबैले विराेध गर्नु पर्ने आग्रह गरे । प्रधानमन्त्री ओली र राष्ट्रपति विद्या देवी भण्डारीबाट देशलाई पछाडी ढकेल्नुकाे साथै जनतामाथी आर्थिक भार थप्ने काम भएकाे उनीहरुकाे आराेप थियाे ।
प्रदर्शनकाे क्रममा वाेल्दै समाजवादी विद्यार्थी पर्साका उपाध्यक्ष चाैरसियाले संसद विघटनबाट देश र जनताकाे हित नहुने भएकाेले तत्काल याे निर्णय सच्याउनु पर्ने माग समेत गरे ।
