वीरगंज । प्रदेश नं. २ का मुख्यमन्त्री लालबाबु राउत गद्दी र पर्सा क्षेत्र न १ का संघिय सांसद प्रदिप यादवले आफ्नाे निर्वाचन क्षेत्रमा सम्पन्न भएकाे याेजना र नयाँ याेजनाकाे अनुगमन गरेका छन् ।
दुबै जनाले संयुक्त रुपमा वीरगंज महानगरपालिकाकाे वडा नं. २ र वडा नं.१६ इनार्वामा सम्पन्न भएका योजना र नयाँ योजना निर्माणका लागि स्थलगत निरिक्षण तथा अनुगमन गरेकाे जनता समाजवादी पार्टीका नेता तबरेज अहमदले वताए । उनले छपकैयाकाे आखरीमंजीर, खसुकपुर हुदै इनार्वा जाेड्ने करिब ५ किलाेमिटर जति प्रदेश सरकारबाट निर्माण हुने सडककाे दुबै जनाले निरिक्षण गरेकाे जानकारी गराए ।
साे अनुगमन तथा निरिक्षण टाेलीमा प्रदेश सांसद भिमा यादव, जनता समाजवादी पार्टीका नेता रामनरेश यादव, लालदेव यादव सलाउदीन अहमद, मदन यादव, अमोद यादव, वडाअध्यक्ष स्यामबाबु चौरासिया लगायत स्थानीयहरुकाे सहभागीता रहेकाे थियो ।
