वीरगंज । नेशनल मेडिकल कलेज काेराेना अस्पताल वीरगंजमा उपचारत एक काेराेना संक्रमितकाे आज विहान मृत्यु भएकाे छ ।
मृत्यु हुनेमा राैतहटकाे इशनाथ नगरपालिका वडा नं. ४, महुलियाका ७४ बर्षिय पुरुष रहेका छन् । उनकाे आज विहान ८:२५ बजे मृत्यु भएकाे अस्पतालका संयाेजक डा. असरफ हुसेनले जानकारी दिए ।
मृतक वृद्धमा असाेज ८ गते काेराेना संक्रमण पुष्टि भएपछि असाेज ९ गते वीरगंजकाे नागवास्थित बाबा हाेटलमा संचालित नेशनल मेडिकल कलेज अस्थायी काेराेना अस्पतालमा भर्ना गरिएकाे थियाे । मुटु राेगीसमेत रहेकाे उनकाे उपचारकाे क्रममा मृत्यु भएकाे डा. हुसेनले वताए ।
