वीरगंज । क्रेष इन्टरनेशनल स्कूलकी प्रधानाध्यापिका ममता राजकर्णीकारको निधन भएको छ । पाठशाला नेपालको सह सचिव र वूमेन स्कील सेन्टरकी संस्थापक समेत रहेकी उनकाे काठमाण्डौको ग्राण्डी अस्पतालमा उपचारको क्रममा बिहिबार दिउसो निधन भएको हो ।
कोरोना भाइरसको संक्रमण पुष्टि भएपछि उनलाई उपचारकोलागि काठमाण्डो लगिएको थियो । पछि कोरोना संक्रमण मुक्त भएपनि श्वास प्रश्वासमा समस्या रहेकोले उनलाई ग्राण्डी अस्पतालको अति सघन उपचार कक्षमा राखेर उपचार भइरहेको थियो ।
यस अघी उनकी ममतामयी आमा केदारनानी राजकर्णीकारको निधन भएको थियो । उनमा पनि कोरोना संक्रमण पुष्टि भएको थियो । त्यसको केही दिन अगाडि उनकाे भाई बिजय राजकर्णीकारको निधन भएको थियो । राजकर्णीकार बीरगंज जेसीजका पूर्व अध्यक्ष समेत थिए ।
राजकर्णीकार परिवार बीरगंजको ब्यपार ब्यवसाय, शिक्षासंगै सामाजिक क्षेत्रमा पनि सहभागिता रहेकाे छ ।
राजकर्णीकारको शुक्रबार काठमाडौँस्थित पशुपतिनाथ आर्यघाटमा अन्त्येष्टि गर्ने कार्यक्रम रहेको छ । राजकर्णिकार नेपाल अपाङ सघ पर्सासहित वीरगञ्जको विभिन्न संघ संस्थामासमेत आबद्ध रहेकी थिइन ।
