वीरगंज । निको इन्स्योरेन्स कम्पनीले भवानी हस्पिटलका डाक्टरसहित १० जना कर्मचारीहरुलाई कोरोना बिमाको चेक हस्तान्तरण गरेको छ ।
कोरोना बीमाको रकम दिन विभिन्न बीमा कम्पनीहरुले आनाकानी गरिरहेको बेला निको इन्स्योरेन्स कम्पनीले बुधबार एक कार्यक्रम आयोजना गरी कोरोना बीमा गराएका दस डाक्टर एवम् कर्मचारीहरुलाई बीमा वापतको रु एक लाखको दरले चेक हस्तान्तरण गरेको हो ।
कोरोना संक्रमित भई निको भएका अस्पतालका ती डाक्टर एवम् कर्मचारीहरुलाई इन्स्योरेन्सका प्रबंधक विक्रम आले मगरले बिमा रकम बराबरकाे चेक हस्तान्तरण गरेका थिए ।
कोरोना संक्रमण निको भएका ती डाक्टर एवम् कर्मचारीहरुलाई अस्पतालका प्रबंधन निर्देशक राम श्रेष्ठले स्वागत गरेका थिए ।
