वीरगंज । नारायणी अस्पतालको प्रयोगशालामा मंगलबार गरिएकाे परीक्षणमा ३७ जनामा कोरोना भाइरस (काेभिड १९) संक्रमण पुष्टि भएको छ ।
२९० जनाकाे स्वाबकाे नमुना परिक्षण गर्दा ९ महिलासहित ३७ जनामा काेराेना संक्रमण फेला परेकाे अस्पतालका प्रवक्ता डा. अतुलेश चौरसियाले जानकारी दिए । संक्रमितहरु ४ वर्षिय बाललकदेखि ६७ वर्षका वृद्धसम्म रहेका छन् ।
प्रवक्ता डा. चौरसियाका अनुसार संक्रमति हुनेमा पर्साका ६ जना, बाराका ९ जना र राैतहटका २२ जना रहेका छन् ।
पर्साकाे संक्रमित वीरगंज महानरपालिकाकाे वडा नं. ११ का २ जना, वडा नं. २८, ३२ का एक-एक जना, पटेर्वा सुगाैली गाउँपालिका र पर्सागढी नगरपालिकाकाे चैनपुरका एक-एक जना रहेका छन् ।
त्यस्तै बाराको कोल्भि नगरपालिकाका ३ जना, अमौर टोक्नी २, कलैया उपमहानगरपालिकाकाे वडा नं. ९, १९, जितपुरसिमरा वडा नं. २, बारागढि गाउँपालिका र इलाका प्रहरी कार्यालय बारागढीका एक-एक जना संक्रमित थपिएका छन् ।
संक्रमित हुनेमा रौतहटका दुर्गा भगवती गाउँपालिका वडा नं. ५ का मात्रै २२ जना रहेकाे प्रवक्ता डा.चौरसियाले जानकारी गराए ।
