वीरगंज । समाजिक संजाल फेसबुकको समन्वयले भरतपुरमा एक प्रहरी अधिकृत सहित ३ जना प्रहरीले आकस्मि रक्तदान गरेका छन् ।
भरतपुरमा उपचारत वीरगंजका एक पुरुषकाे अप्रेसनका लागि ३ जना प्रहरीले आज रक्तदान गरेका हुन् । वीरगंजका युवा समाजसेवी राजन श्रीवास्तवकाे समन्वयमा चितवन तालिम केन्द्रमा कार्यरत प्रहरी निरीक्षक निशान थापाकाे सहयाेगमा बिरामीलाई रक्त उपलब्ध गराई सहयोग गरिएकाे हाे ।
तालिम केन्द्रबाट प्र.निरीक्षक नरेश राज मल्ल, प्र.ज. दिनेश थापा र प्र.ज.अजय राणा मगरले आकस्मिक रगतदान गरि बिरामिलाइ सहयोग गरेको समाजसेवी श्रीवास्वतले वताए । रक्त संकलनमा सिजन लामिछाने तिमिल्सिना र आशा चौधरीले प्राबिधिक सहयोग गरेका थिए ।
प्रहरी निरीक्षक निशान थापा वीरगंजस्थित वडा प्रहरी कार्यालय विर्तामा कार्यरत रहेका प्रहरी अधिकृत हुन् । वीरगंज हुदा उनी मानवीय सेवा कार्यमा उल्लेखनीय भुमिका निर्वाह गर्दै आएका थिए।