काठमाडौँ । नेपालमा कोभिड-१९ (कोरोना) संक्रमणबाट दोस्रो व्यक्तिको मृत्यु भएको छ । आइतबार बिहान बाँकेको नरैनापुर क्वारेन्टाइनमा रहेका २५ वर्षिय युवाको मृत्यु भएको थियो ।
- Advertisement -
उनको स्वाब परीक्षणमा कोरोना पुष्टि भएको स्वास्थ्य मन्त्रालयका प्रवक्ता डा.विकास देवकोटाले बताए ।
मन्त्रालयका अनुसार ती २५ वर्षीय पुरुष वैसाख ३० गते भारतबाट आएका थिए । उनलाई गए राति स्वास्थ्यमा समस्या आएको बताएको थियो । उनलाई ज्वरो तथा झाडापखालाको समस्या भएको थियो ।
मन्त्रालयले जनाए अनुसार उनको बिहान ६ बजेर ४० मिनेटमा निधन भएको थियो । नरैनापुरको मटैया-५ स्थित दिपेन्द्र प्राविको क्वारेन्टाइनमा बस्दै आएका उनको शनिबार मात्रै स्वाब संकलन गरी कोरोनाको लागि पीसीआर परीक्षण गर्न लगिएको थियो ।
