वीरगंज । माैसम परिवर्तन संगै वीरगंज महानगर लगायत पर्साकाे अन्य स्थानिय तहमा समेत लामखुट्टे आतंक बढेकाे छ ।
वीरगंज महानगर लगायत ग्रमिण भेगकाे दक्षिण तथा सिमा क्षेत्रकाे स्थानिय तहहरुमा बढी लामखुट्टे आतंक बढेकाे स्थािनयहरुले वताएका छन् । जंगल नजिक र उत्तरी क्षेत्रमा रहेका स्थानियह तहहरुमा अलि कम लामखुट्टे आतंक रहेकाे छ ।
स्थानियहरुका अनुसार पर्साकाे वीरगंज महानगरपालिका, विन्दवासिनी गाउँपालिका, पकहा मैनपुर गाउँपालिका, पाेखरिया नगरपालिका, बहुदरमाई नगरपालिका, कालिकामाई गाउँपालिका, धाेबिनी गाउँपालिका, छिपहरमाई गाउँपालिका लगायतकाे ठाउँमा लामखुट्टेहरुकाे विगविगी बढेकाे हाे ।
केही दिन यता लामखुट्टे आतंक बढे पनि सम्बन्धित सरकारकाे ध्यान पुग्न नसकेकाे स्थानियहरुले गुनासाे गरेका छन् । लामखुट्टेका कारण दिनमा समेत आफ्नाे घर र कार्यालय भित्र बस्न नसक्ने अवस्था रहेकाे स्थानियहरुकाे भनाई छ ।
लामखुट्टे धपाउन वीरगंज महानगरपालिकाले विगतकाे समय समयमा औषधी छर्ने काम गरे पनि केही समय यता त्याे पनि नगरेका कारण लामखुट्टे आतंक बढेकाे महानगरवासीहरु वताउँछन् । केही समय यता पर्साकाे ग्रामिण भेगहरुमा पनि लामखुट्टेकाे संख्यामा वृद्धि हुने थालेकाेले अन्य स्थानिय तहमा पनि लामखुट्टे धपाउन औषधी छर्नु पर्ने देखिन्छ ।
स्थानिय तहहरु संग त्याे गर्न सक्ने अधिकार रहेकाेले लामखुट्टे धपाउन औषधी छर्नु पर्ने ग्रुामिण भेगका गाउँ तथा नगरवासीहरु वताउँछन् । लामखुट्टे आतंक बढे संगै डेङ्गुकाे विरामी समेत बढन थालेकाेले समय मै सवधानी अपनाउन जरुरी रहेकाे उनीहरुकाे भनाई छ ।
