वीरगंज । पर्साको पकहा मैनपुर गाउँपालिकाको वडा नं. ३ मैनपुर र कालिकामाई गाउँपालिकाको वडा नं. ४ बलुवा बिच आज झडप भएको छ ।
झडपमा परि आधा दर्जन भन्दा बढी घाईते भएका छन् भने २ जनालाई प्रहरीले पक्राउ गरेको छ । मैनपुरका पवन पटेल, उमेश पटेल, रामशीष पटेल, शिवसागर पटेल लगयतका घाइते भएका हुन ।
मोबाईलको बिषयलाई लिएर दुई गाउँका दुई ब्यक्ति बिच भएको विवाद झडपमा परिणत भएको थियो । मैनपुरका रामप्रबेश पटेल र बलुवाका जितेन्द्र प्रसाद कलवार बिच मंगलबार विहान ९ वजे मोबाईलको विषयलाई लिएर विवाद भएको थियो । विवाद कै क्रममा दुबै जना विच हातपात समेत हुदा दुई गाउँ बिच नै झडप हुन पुग्यो ।
झडपलाई नियन्त्रणमा लिन इलाका प्रहरी कार्यालय पोखरिया, जिल्ला प्रहरी कार्यालय पर्सा, इलाका प्रहरी कार्यालय कालिकामाई, प्रहरी चौकी सबैठवा लगायतका प्रहरी पुगेको थियो । दिबै गाउँ बिचको तनाव उग्र रुप लिए पछि झगडिया मैनपुरका रामप्रबेश र बलुवाका जितेन्द्रलाई प्रहरीले नियन्त्रण लिएको थियो । दुबै गाउँ बिच ढुंगामुडा समेत भएको थियो । ढुगांमुडा लागेर नै दुबै गाउँका केही ब्यक्ति घाइते भएको प्रहरीले जनाएको छ ।
पक्राउ परेका दुबै जनालाई प्रहरीले जिल्ला प्रहरी कार्यालयमा लगे पछि दुबै गाउँका केही अगुवाहरु जिल्ला प्रहरी कार्यालय पुगेका छन् ।
