वीरगंज । आगोबाट जलेर गम्भीर घाइते भएकी एक महिलालाई नेपाली कांग्रेसका युवा नेता मनिकान्त गुप्ताले आर्थिक सहयाेग गरेका छन् । वीरगंज स्थित नारायणी अस्पतालमा उपचार गराइरहेकी आगलागी पिडित पर्साकाे छिपहरमाई गाउँपालिका वडा नं. १ मीरजापुर निवासी रीना देवीलाई नेता गुप्तालाई रु पांच हजार नगद सहयाेग गरेका हुन् ।
अस्पताल मै पुगेर पिडित महिलाकाे अवस्था बुझ्दै छिपहरमाई गापाका स्थानिय नेता गुप्ताले आर्थिक सहयाेग गरेका हुन् । पिडित महिलाकाे अवस्था बुझ्दा उनलाई सहयाेगकाे आवश्यकता रहेकाे नेता गुप्ताले वताए ।
गरिब र विपन्न परिवारकी महिला पुस २५ गते आगाे ताप्ने क्रममा जलेर गभ्भीर घाइते भएकी थिइन ।
उपचारमा आर्थिक अभाव भए पछि उनकाे श्रीमान भिमा साह तुराहा चन्दा संकलनकाे लागि गाउँमा पुगेकाे उनले वताए । हाल सम्म सम्बन्धित गाउँपालिका, वडा र कुनै पनि जनप्रतिनिधिले सहयाेग नगरेकाे पिडितकाे गुनासाे छ ।
पिडितलाई थप उपचारकाे लागि काठमाण्डाै लग्नु पर्ने भएकाेले सहयाेग लागि उनकाे परिवारले अपिल समेत गरेका छन् ।
