वीरगंज । वीरगंजमा वर्डलिंकको नेट एक महिना देखी डिस्टर्ब भएको छ । वीरगंज ८ पानीटंकी लगायतको क्षेत्रमा एक महिना देखी नेट राम्ररी नचलेको वर्डलिंग प्रयोगकर्ताहरुले वताएका छन् ।
लामो समय सम्म नेट राम्ररी नच्लेको कम्प्लेन वर्डलिंकको कार्यालयमा गर्दा पनि हाल सम्म सुधार नभएको सेवाग्राहीहरुले गुनासो गरेका छन् । अरु भन्दा वर्डलिंग महंगो भए पनि नेटको स्पिड लगायतको सेवा राम्रो नरहेको सेवाग्राहीको गुनासो छ ।
वर्डलिंक प्रयोगकर्ताहरुको अनुसार एक महिना देखी नेट राम्ररी चलेको छैन् । नेटको नेटवर्क देखाए पनि राम्री चलिरहेको छैन् । वीरगंज पानीटंकीका अजय साहले भने “कुनै बेला चल्छ, कुनै बेला चल्दैन् त कुनै बेला चले पनि बिस्तारै चल्छ । यसको सिकायत बारम्बार वर्डलिंकको कार्यालहरु गर्दाको लामो समय पछि पनि सुधार हुन सकेको छैन् ।”
नेट डिस्टर्बका कारण वर्डलिंक प्रयोग गर्ने कार्यालयको कामकजमा समेत बाधा आइरहेको छ । वर्डलिंकको नेटको प्रयोग गर्ने केही मिडियाहरुको कामकाजमा समेत समस्या पुग्ने गरे ता पनि कम्पनीको लापरवाहीले गर्दा समस्या भोग्न बाध्य भएका छन् ।
केहीले वर्डलिंक अब प्रयोग नगर्ने सोच बनाए पनि कसैले ३ महिना, कसैले ६ महिना र कसैले एक बर्षको चार्च तिरिसकेका कारण प्रयोग गर्न बाध्य भएका छन् ।
वीरगंजमा सबभन्दा बढी वर्डलिंकको प्रयोगकर्ता भए पनि कम्पनीको लापरवाहीले गर्दा सेवाग्राहीलाई सास्ती भोग्नु परेको छ । तर यस तर्फ सम्बन्धित निकायको ध्यान पुग्न सकेको छैन् ।
यस बिषयमा कम्पनीको कम्प्लेन शाखामा फोन सम्पर्क गर्दा वीरगंजको पानीटंकी क्षेत्रमा यस्तो समस्या देखिएको र समाधानको प्रयास भइरहेको वताइएको छ ।
