जिराभवानी । माघे सङ्क्रान्तिको अघिल्लो दिन जिता मार्ने, मिठा परिकार खाने र माघी नुहाउने थारु समुदायमा परम्परागत चलन छ ।
थारु समुदायमा मनाइने माघी पर्वमा पुस मसान्तको अघिल्लो दिन खोला र नदीमा माछा मार्ने, मसान्तका दिन जिता मार्ने (सुँगुर बंगुर मार्ने) नयाँ धान कुटाएर राखिएको चामलको पिठोबाट बनाइने ढिक्री तिलौरी लाई लगायतका परीकार बनाएर नाचगान गर्दै मिलेर खाने गर्छन् । साथै माघे सङ्क्रान्तिको दिन बिहानै खोला वा नदीमा माघी नुहाउने र नजिकैको मन्दिरमा पूजा गर्न जाने परम्परागत चलन पनि छ ।
थारु समुदायको बाहूल्यता रहेको मध्य तराइका बारा, पर्सा, रौतहट, चितवन लगायत प्रदेश नम्बर २ का जिल्लामा बसोबास गर्ने थारु समुदायले माघे संक्रान्तिका दिनलाई ठूलो चाडका रुपमा मनाउने गर्दछन् भने थारु समुदायले माघलाई नयाँ वर्षका रुपमा पनि लिने गर्छन् ।
माघी पर्वका अवसरमा जिराभवानी गाउँपालिका वार्ड नंबर १ पकडीटोलमा बृहत कार्यक्रम आज सम्पन भएको छ । पकडिटोल युवा समाजका अगुवा सुमित दासको सभापतित्वमा र नेकपाका पुर्ब सांसद जय प्रकाश थारूको प्रमुख आथित्यतामा कार्यक्रम भएकाे थियाे ।
कार्यक्रममा जिराभवानी गाउँपालिकाकी उपप्रमुख उषा देबी थरूनी, वार्ड नंबर १ का सदस्य सोमनाथ सापकोटा, समाज सेबी रामतऔतार पटवारी, नरेस गुरो शुभनारायन पटेल, सुरेश खवास, धनेश खवास, कमलेश राय, स्थानीय पत्रकार, बुद्धजिवि, महिला, बालबालिक लगायतको उल्लेखनीय उपस्थित रहेको थियो ।
उक्त कार्यक्रमको स्वागत मन्तब्य समाजसेवी रामशरण खवासले गरेका थिए भने कार्यक्रम सञ्चालन रामप्रीत महतोले गरेका थिए ।
कार्यक्रममा थारू समुदायमा बिस्तारै हराउँदै गएको झमटा नृत्य पनी प्रस्तुत गरिएकाे थियो । कार्यक्रममा स्थानि गायक नेपाली नीरहुवा उर्फ जितेन्द्र राय र स्थानीय बालबालिकाहरुले पनी आ आफ्नो जातिय भेषभुषामा नृत्य प्रस्तुत गरेका थिए ।
माघी पर्वसँगै थारु जातीमा खेतबारी अधिया बटैँया लगाउने, गाँउको बडघर, चौकीदार, गुरुवा, ल्वाहार राख्न खुजनी बुजनी (पक्कापक्की) गर्ने परम्परागत चलन अहिले पर्सामा हटेका स्थानीय थारू अगुवाहरूकाे भनाई थियाे ।
पर्साको कृषि र पर्यटन क्षेत्रको प्रवर्द्धनमा सहयोग पुर्याउने उदेश्यका साथ राज्यको पुर्नसंरचनासँगैै स्थानीय तह भएपछि यस क्षेत्रमै दोस्रो पटक सो कार्यक्रमको आयोजना गरिएकाे जिराभवानी गाउँपालिकाकी उपप्रमुख उषा देबिले बताइन ।
कार्यक्रममा भोजपुरी कलाकारसँंगै स्थानीय थारु कला संस्कृति र देउडा झमटा थारू संस्कृति खानपान वस्तुहरुको प्रदर्शनी पनी गरिएकाे थियो ।
