वीरगंज । पर्साकाे कालिकामाई गाउँपालिका वडा नं. २ भेडिहारीमा बिहिबार महिला राेग परिक्षण तथा स्वास्थ्य शिविर सम्पन्न भएकाे छ ।
गाउँपालिका स्वास्थ्य शाखाकाे आयाेजनामा भएकाे शिविरमा एक सय ६७ जनाले स्वास्थ्य परिक्षण गराएकाे बीरन्चीबर्वा स्वास्थ्य चाैकी प्रमुख निरन्जन प्रसाद चाैरसियाले वताए । जय मध्ये १९ जनाकाे भिडियाे एक्स-रे र ३८ जनाकाे चिनी, पिसाव, टिसिडिसि जस्ता ल्याब परिक्ष समेत गरिएकाे प्रमुख चाैरसियाले जानकारी गराए ।
भेडिहारी स्वास्थ चाैकीमा भएकाे शिविरमा स्त्री राेग बिशेषज्ञ डा. रामाधार महताे र मेडिकल अधिकृत डा. प्रिति भट्टराईकाे टाेलीद्वारा स्वास्थ्य परिक्षण गरिएकाे थियाे ।
शिविरकाे उदघाटन गाउँपालिका अध्यक्ष नथुनी प्रसाद कुशवाहाले गरेका थिए भने उदघाटन समाराेहमा गाउँपालिका उपाध्यक्ष राजेश कुमार चाैरसिया, प्रमुख प्रशासकिय अधिकृत राजु साह, वडा नं. २ का वडाध्यक्ष साेनालाल प्रसाद चाैरसिया लगायतकाे उपस्थिती रहेकाे थियाे ।
शिविरकाे व्यवस्थापन गाउँपालिका स्वास्थ्य संयाेजक याेगेन्द्र प्रसाद चाैरसिया र सह संयाेजक महेन्द्र प्रसाद चाैरसियाले गरेका थिए ।
