वीरगज । समाजवादी पार्टी, पर्साको आयोजनामा जनजागरण कार्यक्रम अन्तर्गत पार्टी प्रवेश कार्यक्रम आइतवार सम्पन्न भएको छ ।
विभिन्न पार्टी परित्याग गरी समाजवादी पार्टीमा प्रवेश गरेकाहरुलाई प्रदेश नं. २ का मुख्यमन्त्री लालबाबू राउत गद्दीले फुलमाला लगाई स्वागत गरेका थिए । कार्यक्रममा मुख्यमन्त्री गद्दीले आगामी निर्वाचनमा पनि प्रदेश नं. २ मा मधेसी दलको सरकार बन्ने ठोकुवा गरे ।
नेपाली काङ्ग्रेसले झुटो मुद्दा लगाई राजनीतिक गर्ने समय बितिसकेकोले दिवासपना हेर्न नसकिने बताए । मुख्यमन्त्री गद्दीले केही समयको लागि मात्र राजपाले गठजोड गरेको तर यसबाट प्रदेश सरकारमा कुनै असर नपुग्ने बताए ।
मधेसको पहिचान, अधिकारको लागि समाजवादी पार्टी नैं जनताको पक्षमा लडिरहने दावी गरेका थिए । आगामी चुनावमा सिंहदरबारमा नैं समाजवादी पार्टी बलियो बन्ने उनको तर्क थियो ।
अन्य पार्टीको तुलनामा नीति, नेतृत्व बोकेको समाजवादी पार्टीले छुट्टै पहिचान बनाएको बताए । विन्द्वासिनी गाउँपालिका ३ ईटिहाईका नेपाली कांग्रेस र नेकपा पार्टी प्रतियाग गरि समाजबादी पार्टीमा प्रबेश गरेका थिए ।
गाउँपालिका अध्यक्ष श्रीलाल साह (मोदी)को सभापतित्वमा भएको कार्यक्रममा प्रदेशसभा सदस्य प्रह्लाद गिरी, करीमा बेगम, जिल्ला संयोजक रामनरेश यादवलगायतले मन्तव्य व्यक्त गरेका थिए ।
विन्दवासिनी गापा–३ इटियाहीबाट दर्जनौं व्यक्तिहरु पार्टी प्रवेश गरेका थिए । पार्टी प्रवेश गर्नेहरुमा मदन चौरसिया, राजकुमार चौरसिया, विपीन चौरसिया, मनोज चौरसिया, सत्यनारायण चौरसिया, मुनिलाल साह कानू, अर्जुन पटेल, राजेन्द्र बैठा, मनान शेख, हरिलाल साह गोढलगायत रहेका छन् ।
कार्यक्रम संचालन युवा नेता सुजित गिरीले गरेका थिए ।
