वीरगंज । पर्साकाे छिपहरमाई गाउँपालिका वडा नं.४ तुलसीवर्वाबाट प्रहरीले कस्मेटीक सामान सहितकाे पिकअप र चालकलाई पक्राउ गरेकाे छ ।
ना.१ क २९१८ नं.को पिकअप गाडीमा Clinic Plus Shampoo, Ponds poweder, Dove Shop र Close-up लगायतका रु.१६ लाख बराबरको सामानहरु भारत तर्फ लैजादै गरेकाे अवस्थामा पक्राउ गरिएकाे जिल्ला प्रहरी कार्यालय पर्साले जनाएकाे छ । बिशेष सुचनाको अधारमा जिल्ला प्रहरी कार्यालय पर्साबाट खटिएको प्रहरी टोलीले पिकअप र बीरगंज महानगरपालिका वडा नं.२६ सुगौलीबिर्ता बस्ने पिकप चालक वर्ष ३५ को एजाज देवानलाई नियन्त्रणमा लिएकाे हाे ।
मंगलबार दिउसाे ३ बजेको समयमा छिपहरमाई गापाकाे तुलसीवर्वा हुदै राजश्व छली लगि रहेकाे अवस्थामा पक्राउ गरिएकाे पिकअप र चालक पक्राउ गरिएकाे प्रहरीले जनाएकाे छ । पक्राउ परेकाे सामान आवश्यक कारवाहीको लागि राजश्व अनुसन्धान विभाग पथलैयामा बुझाउने कार्य भईरहेको प्रहरी कार्यालय पर्साले जनाएकाे छ ।
