वीरगंज । पर्सा र बारा गरी शनिबार ३ ठाउँमा भएकाे रक्त्तदान कार्यक्रममा एक सय ४४ जनाले रक्त्तदान गरेका छन् । एकै दिन ३ ठाउँमा भएकाे रक्त्तदान कार्यक्रममा एक सय ४४ जनाले रक्त्तदान गरेकाे रक्त्त संचार केन्द्र वीरगंजका प्रमुख साैरभ राज पाण्डेले वताए ।
राइनो युवा क्लबले आयोजना गरेकाे रक्त्तदान कार्यक्रममा २ महिला सहित ६७ जना रक्तदान गरेका छन् । नेपाली कांग्रेस र बिरगंज महानगरपालिकाको सहयोगमा बिरगंज स्थित रेल्वे रोडमा रहेकाे रात्री कालिन स्कुलमा रक्त्तदान कार्यक्रम भएकाे थियाे । नेपाली कांग्रेसका क्षेत्रिय सभापति बिजय सरार्फकाे अध्यक्षता र नेपाली कांग्रेस पर्साका सभापति अजय द्विवेेदीकाे प्रमुख आतिथ्यतामा भएकाे कार्यक्रममा पूर्व सांसद अनिल रुङ्गटा, नेपाली कांग्रेसका नेता जनार्धन सिंह क्षेत्री, पर्साका सचिव श्याम पटेल, युवा नेता नविन सिंह, राकेश यादव, बद्रीनाथ तिवारी, रबिन्द्र ठाकुर, आयाेजक क्लबका अध्यक्ष राम प्रसाद गुप्ता लगायतकाकाे सहभागिता रहेकाे थियाे ।
