वीरगंज । पर्साको पोखरिया बजारमा मोटरसाईसकल दुर्घटना हुदा ३ जना घाइते भएका छन् । बि. आर. २२ एम. ८१४५ भारतिय नम्बरको मोटरसाइकलले एक जना पैदल यात्रुलाई ठक्कर दिदा पैदल यात्रु सहित ३ जना घाइते भएका हुन् ।
- Advertisement -
घाइते हुनेमा पोखरिया नगरपालिका १ बनकटवा निवासी मोटरसाइकल चालक ४० बर्षिय मुनिलाल राम, सोहि मोटरसाइकलमा सवार बनकटवा कै ३० बर्षिय सरस्वती देवि राम र पोखरिया नपा २ लमरिया निवासी ३२ बर्षिय पैदल यात्री मिश्री साह रहेका छन् ।
घाइते ३ नै जनाको वीरगंज स्थित नारायणी अस्पातमा उपचार भईरहेको ईलाका प्रहरी कार्यालय पोखरियाका प्रहरी निरीक्षक चन्द्र कुमार सिंहले बताउनुभयो ।
घाइते दुबै जना पुरुषको टाउकोमा गम्भीर चोट लागेको छ भने महिलाको हात भाँचेको प्रहरी निरीक्षक सिंहले जानकारी गराउनु भयो ।
