वीरगंज । पर्साकाे सखुवा प्रसाैनी गाउँपालिका वडा नं. ५ महुवनकाे वडाध्यक्षकाे लागि हुने उपनिर्वाचन नजिकदै जादा चहलपहल समेत बढदै गएकाे छ । मंसिर १४ गते हुने उपनिर्वाचनकाे लागि उम्मेदवारी दिएका दलका नेताहरु भाेट माग्नमा व्यस्त देखिएका छन् ।
उम्मेदवारी दिएका नेकपा, नेपाली कांग्रेस र समाजवादी पार्टीका जिल्ला देखी केन्द्रिय नेताहरु लागि आ आफ्नाे दलका उम्मेदवारका लागि मत माग्न दिन्हु महुवन पुग्ने गरेका छन् । नेताहरु आ आफ्नाे दलका वडाध्यक्षका उम्मेदवारका साथमा घरदैलाे गर्दै मत माग्ने गरेका छन् ।
पर्साकाे एक मात्र महुवन हुन लागेकाे उपनिर्वाचनमा जुन दलकाे उम्मेदवार विजयी भए त्यस दलकाे जिल्लामा महावल बन्ने भएका कारण नेताहरु आ आफ्नाे दलका उम्मेदवारलाई जिताउन लागि परेका छन् ।
यस्तै नेपाली कांग्रेसले पनि सखुवा प्रसाैनी गापा वडा नं. ५ काे बलुवामा घरदैलो कार्यक्रम गरेकाे छ । नेपाली कांग्रेसका केन्द्रिय सदस्य अजय चौरसिया, पूर्व केन्द्रिय सदस्य सुरेंद्र चौधरी, जिल्ला सभापति अजय द्विवेदी, बहुदरमाई नगरपालिकाका मेयर नितेंद्र साह, पर्सागड़ी नगरपालिका मेयर लोकनरायण यादव, पटेर्वा सुगौली गाउँपालिकाकी उपाध्यक्ष ममत महताे लगायत आफ्नाे पार्टीका उम्मेदवार अशेसर यादवकाे मतदान गरी विजयी गराउन आग्रह गर्दै घरदैलाे गरेका हुन् ।
यस्तै नेकपाका नेताहरु पनि सखुवा प्रसाैनी गाउँपालिकाकाे वडा नं. ५ महुवनमा घरदैलाे गर्दै आफ्नाे पार्टीका उम्मेदवार उदय शंकर राैनियारलाई मत दिएर विजयी बनाउन आग्रह गरेका हुन् । नेकपाका केन्द्रिय सदस्य नागेन्द्र चाैधरी, रामचन्द्र साह, नेता राजकुमार यादव लगायतका नेताहरु घरदैलाे गर्दै आफ्नाे पार्टीका उम्मेदवारका लागि मत मागेका हुन् ।
