वीरगंज । पर्साको बहुदरमाई नगरपालिकाको वडा नम्बर ८ मा आज एक कार्यक्रमका बिच छात्राहरुलाई साईकल बितरण गरिएको छ । नगरपालिले श्री देवनन्दनराज उच्च माध्यमिक बिधालय रामनगरीका कक्षा ९, १०, ११ र १२ का १ सय १४ जना छात्राहरुलाई साईकल वितरण गरेको हो ।
विद्यालय भएको एक कार्यक्रमका विच कार्यक्रमका प्रमुख अतिथी नगर प्रमुख नितेन्द्र साहले साईकल बितरण गर्नु भयो ।
बिधालय ब्यवस्थापन समितीका अध्यक्ष रामनरेश यादवको अध्यक्षतामा भएको साईकल बितरण कार्यक्रममा प्रमुख प्रशासकिय अधिकृत प्रकाश महर्जन, वडा नम्बर ८ का वडाध्यक्ष पुनिलाल साह तेली , वडा नम्बर २ का वडाध्यक्ष जितेन्द्र पटेल, ९ का वडाध्यक्ष रबि गुप्ता, प्रध्यानाध्यपक, शिक्षक, अभिभवाक र गाउँका गण्मान्य ब्यक्तित्वहरुको सहभागीता रहेको थियो ।
छात्राहरुलाई शिक्षा प्रति थप जिम्मेवार बनाउन र अध्ययन अध्यापन सहज बनाउने उदेश्य राखी साईकल बितरण गरिएको नगरपालिका कार्यालयका समाजिक शाखाका संयोजक रामबाबु पटेलले बताउनु भयो ।
