वीरगंज । ईलाका प्रहरी कार्यालय ठोरीले भारी परिमाणमा अबैध मदिरा बरामद गरेको छ । प्रहरी गस्ती टोलीले पर्साको ग्रामिण ठोरी नाकाबाट स्कारपियो गाडीमा भारत तर्फ लग्दै गरेको अबैध मदिरा बरामद गरेको हो ।
ठोरी गा.पा.वडा नं.२ स्थितबाट सोम्बार साझ ७:३० बजे BR06TV4331 नं.को भारतिय नं. प्लेटको स्कारपियोमा अवैध सिल प्याक मदिरा टुबोर्ग वियर १२ बोतल, टाईगर वियर १२ बोतल, किङफिसर २४ बोतल, ब्यारन रक्सी ५४ बोतल, गोल्डेन ओक ३६ बोतल र, सिगनेचर ३६ बोतल , रुसलान भोट्का ३६ बोतल लोड गरी भारत तर्फ लैजादै गरेको अवस्थामा फेला पारी रक्सी, गाडी र २ जना मानिसहरु सहित नियन्त्रणमा लिई आवश्यक कारवाहीको लागी बीरगंज भंसार कार्यालय बुझाईएको प्रहरीले जनाएको छ ।
भारत जि.पश्चिम चाम्पारन नरकटियागञ्ज बस्ने बर्ष २७ को भोला कुमार जैसवाल र पर्सा ठोरी गा.पा.२ सिन्दर बस्ती बस्ने बर्ष २० को राजु साहलाई मदिरा सहित पक्राउ गरिएको जिल्ला प्रहरी कार्यालय पर्साले जनाएको छ ।
